सुगनी

-वीकमपुररी हदमें सुगनी आछा है । उठै गायांरो राब जिसो दूध है ।                                       15/209.

सिरोही

सिरोही: -रावां री वंसावली -1. कीतू, 2. समरसी, 3. पतो, 4. वीजड़, 5. लूंभो, 6. सलखो, 7. रणमल, 8. सोभो, 9. सहसमल, 10. राव लाखो, 11. ऊदो, 12. रणधीर, 13. भाण, 14. सुरताण, 15. राजसिंघ, 16. अखैराज, 17. उदैसिंघ, 18. सत्रसाल, 19. मानसिंघ, 20. जगतसिंघ, 21. वैरीसाल, 22. सिवसिंघ । 15/154.
-सीरोहीरै देस डूंगरोत देवड़ा वडा रजपूत छै । देसरी आगळ, भड़-किंवाड़ । सदा अै सीरोहीरा धणियांनूं थपै-उथापै 10/150.
-संवत 1589 राव सहसमल सिरोही वसायी । सीहनूं मार वसायी जिणसूं ‘सीहरोही’ नांव दियो ।..... आगै देवड़ा ईडर री चाकरी करता । 15/154. -सिरोही डावी मिसल राणावतांरी, जीवणी देवड़ोरी । देवड़ां में सिरै पाडीव रो धणी उण हेटै कळंदरी, उण हेटै प्रभुजीरा गांवरो धणी, नेजावाळरो धण बैसै । 15/158.
-सूर पातसाह आयो जद वसी सिरोही मेली । असी हजार घोड़ांसूं रावजी बाबरै जाय डेरा किया-
            ‘साह आलम सावाहियो, मालो अमळमांण,
             वै पतसाह क ईखिया, पिड़ दाखवसी पाण ।’
कूंपै कह्यो- ‘तू ठाकर दीवाण तू, तो ऊभै सह कज्ज,
            राज सिधारो मालदे, करण मरण छळ लज्ज ।’ 15/12-3.

सवारी

-मेड़तिया रुघनाथसिंघोत हजूररी........न चढ़ै, ऊंटांरै जावतै चढ़ै, घोड़ो चढ़नै फरावै, हाथी चढ़ खवासी न करै ...    15/66.

सिरायत

-जो जागीरदार सब प्रकार से इज्जत, अख्तियारत और पद में बड़े हैं वे ‘सिरायत’ कहलाते हैं । ये सब राठौड़ वंश के हैं । 2/248

स्रस्टी

स्रस्टी: -चार वेद, तीन गुण, सात वार पन्द्रै तिथि,
आद भवांनी हिंगळाज माता, समरूं साह गुणपति,
अवन्यास पद की प्रात भक्ति करत मंगला आरती,
पांच परबत, दस ई बिरमा, सांवत पर सक्ति ।अवन्यास......
हजार अठ्यासी सैंस रुसि, तैंतीस किरोड़ सरणागति,
बदरी, केदार, प्राग, काशी, न्रपदा द्वारका मिति । अवन्यास....
अड़सठ सिद्धि नवै निधि, पांच पांडव द्रोपदी,
अमरीक धूह पैळाद बलि, करण, हरचंद गजपति । अवन्यास...
चांद सूरज धरा अंबर, नव लक्ख तारा सां थां तणी,
नव गिरह, सताईस नखतर, केई सेव केई सति । अवन्यास.....
अनहद मेइलै अविख बाजै, बाजत है भूपति ।
निरमळ संत कोईक निरखै, रामानंद की विणती । अवन्यास...; चांनणखां बीसू, 26.09.1986.

Copyright © Rajfolkpedia.com 2016 All rights reserved.                                                                                                                                                                          Website Developed By: Representindia.com